Të ndash password-in e Netflix me shoqen e ngushtë apo fqinjët mund të të fusë në probleme të mëdha, nëse jeton në Britaninë e Madhe. Autoritetet britanike së fundmi e kanë konsideruar “krim” të marrësh akses në platformë pa të drejtën e autorit dhe pa paguar për të.
“Pirateria është një problem shumë i madh për industritë krijuese dhe ato të argëtimit. Të përfitosh nga imazhet e internetit dhe t’i marrësh ato pa leje në rrjetet e tua sociale, apo të kesh akses në filma, seriale apo evente të tjera pa paguar për to është një shkelje dhe mund të quhet krim pa frikë.”- janë shprehur ata.
I njëjti ligj mund të aplikohet edhe për shpërndarjen e password-it jo vetëm në Netflix, por edhe në Amazon Prime, Disney+ dhe Apple TV+.
Pavarësisht kësaj, ligjet për të drejtën e autorit për momentin mbeten ende të pandryshuara. Përsa i përket Netflix-it, përgjegjësia do të bjerë mbi krijuesin e llogarisë së platformës i cili ndan pagesën e tij me të tjerët.
