Jeni nga ata njerëz që ndjejnë se vetmia po troket vazhdimisht në derën e tyre? Keni menduar se ju duke qenë beqare mund të kaloni shumë më mirë se ata dhe thjesht nuk e keni kuptuar? Dhe në rast se keni akoma dyshime, për t’ju ndihmuar t’i sqaroni sadopak gjërat në mendje, ne rendisim përfitimet që mund të keni, duke qenë beqar.
Privilegji i parë dhe më i mirë që gëzon kur je beqar është liria jote. Nuk ka ndjenjë më të mirë se kjo. Mund të bësh çfarë të duash, kur të duash, pa pasur nevojë t’i përgjigjesh askujt. Kjo në vetvete është e mrekullueshme.
Pavarësia emocionale
Kur jeni beqar veproni më shumë me logjikë dhe kjo nuk është domosdoshmërisht një gjë e keqe. Dihet që dashuria është e verbër, ndaj nëse nuk je i dashuruar kjo nuk ndodh, çdo gjë e sheh qartë dhe logjika jote është e qartë.
Ju mblidhni përvoja
Në çdo fazë të jetës sonë ne krijojmë kujtime dhe mbledhim përvoja. Megjithatë, kur jeni beqarë, na besoni, mbledhni përvojat më shqetësuese dhe transformuese që do t’ju duhet t’i mbani mend përgjithmonë dhe të qeshni. Takime të dështuara ose jo, netë të egra, mbrëmje pa fund me miqtë. Mendo pak…
Puna juaj në plan të parë
Kur jeni beqar keni mjaft kohë për t’u fokusuar në karrierën tuaj dhe kjo është shumë mirë. Tani që jeni beqarë, investoni në biznesin tuaj më shumë se kurrë dhe kur të keni marrëdhënien e dëshiruar do të jeni burim frymëzimi për partnerin tuaj.
Duaje veten
Në mënyrë të pandërgjegjshme mësoni ta doni veten më shumë. Kur nuk keni një partner për të rritur besimin tuaj, brenda jush aktivizohet automatikisht një mekanizëm që ju bën t’i përkushtoheni vetes dhe të gjeni mënyra për të rritur veten. Pak nga pak filloni të mësoni më mirë për veten, zbuloni të metat tuaja dhe pajtoheni me to.
