Dafina dhe Kreshniku bënë një dasmë jashtëzakonisht private para disa ditësh, por duket se çifti i dashuruar do të martohet sërish, më 26 tetor 2024.
Lajmi u bë i ditur nga Ylli Limani, i ftuar në dasmë, i cili i paralajmëroi të dashuruarit se patjetër që do e tregonte ftesën. Në fillim të ftesës, shihet qartë data dhe më pas, përmes një videoje, Dafina dhe Kreshniku ftojnë personalisht njerëzit që të bëhen pjesë e ditës së kremtimit të dashurisë së tyre.
Në dasmën private, me miq të ngushtë e familjarë, Dafina kishte zgjedhur një fustan nusërie të shkurtër, flokët i kishte kapur dhe si kurorë, mbante disa trëndafila të bardhë. Duffy publikoi një foto të unazave të martesës, më pas edhe një video ku shkruhej “Gëzuar për zotin dhe zonjën Gjergji”.
