Një studim i fundit ka zbuluar se, pavarësisht se truri i burrit është mesatarisht 10% më i madh se ai i gruas, kjo nuk do të thotë se është më i aftë. Në fakt, truri i gruas arrin të funksionojë më mirë në disa drejtime, falë strukturës së tij unike.
Gratë kanë një korteks më të trashë dhe lidhje më të forta mes dy hemisferave të trurit, gjë që ndihmon në përpunimin më të shpejtë dhe efikas të informacionit. Kjo do të thotë se, ndonëse më i vogël në përmasa, truri femëror ka aftësi të larta për detyra që kërkojnë organizim, komunikim dhe shumëfunksionalitet.
Shkencëtarët theksojnë se truri i burrit dhe i gruas nuk është më i mirë apo më i keq – thjesht funksionojnë ndryshe, duke sjellë avantazhe të veçanta për secilin.
