Një vend, që kohët e fundit është bërë një nga destinacionet më premtuese në Europë.
Kërkesa për udhëtime në Europë u rrit gjatë 2022 dhe 2023, veçanërisht pasi u hoqën të gjitha kërkesat e hyrjes në lidhje me COVID-19 dhe u rivendos plotësisht normaliteti.
Por ndërsa Franca, Italia dhe Spanja kanë ndërmarrë hapa për të reduktuar numrin e turistëve, vende të tjera më pak të njohura, janë të etura për të mirëpritur më shumë vizitorë.
Shqipëria është një vend i vogël në Europën Juglindore, kufizohet me Greqinë në jug, Maqedoninë e Veriut dhe Kosovën në lindje, dhe Malin e Zi të bukur në veri. Por ndryshe nga shumë prej bashkëkohësve të saj, ajo u prezantua për publikun vetëm 30 vite më parë.
Sipas INSTAT, në janar të këtij viti, kanë mbërritur në Shqipëri 377 211 të huaj, një rritje vjetore prej 94,2%. Këto norma janë të mahnitshme, duke pasur parasysh se Europa është ende në “jashtë sezonit” të saj, kur turizmi shpesh bie ndjeshëm.
Gjithashtu, të gjitha vendet Europiane kanë lehtësuar kontrollet kufitare dhe kanë lejuar rifillimin e trafikut turistik. Fakti që Shqipëria vazhdon të zgjerohet me kaq shpejtësi përballë rikthimit në normalitet të konkurrentëve të saj më të egër, është dëshmi e mëtejshme se ajo ka ruajtur vrullin që fitoi në fillim të pandemisë.
Ndërsa pjesa më e madhe e Europës ishte e mbyllur për shkak të COVID, Shqipëria mbeti e aksesueshme pa kufizime, gjë që ndoshta kontribuoi në popullaritetin e saj të papritur.
Vitin e kaluar, 7.5 milionë turistë vizituan Shqipërinë, një rritje prej 32% krahasuar me vitin 2021. Nëse trendi aktual vazhdon, niveli i mëparshëm i vendit, mund të tejkalohet lehtësisht deri në dhjetor.
Shumë turistë nuk e dinë se Shqipëria është një parajsë verore.
Shqipëria, ashtu si Kroacia dhe Mali i Zi, ndodhet në detin Adriatik, një nga krahët e Mesdheut, por kostoja e jetesës është shumë më e ulët. Do të gjeni të njëjtat ujëra bruz, plazhe me rërë të bardhë ose me guralecë dhe qytete mesjetare me shtëpi prej guri, por pa hotele të shtrenjta dhe kurthe tipike turistike.
Pjesë të mëdha të bregdetit më jugor të Shqipërisë, të njohur si Riviera Shqiptare, kanë mbetur të virgjëra, kështu që natyra është e paprekur, plazhet janë të patrazuara dhe qytetet tradicionale me kalldrëm, ku breza të tërë familjesh kanë jetuar për shekuj, të pandotura nga ndikimet e jashtme. / Travelling Lifestyle – Monitor
